منتدى شباب تاقرفت منتدى الوطن
انت غير مسجل معنا فى المنتدى اخى الزائر اختى الزائرة نحن لسنا ممن يجبرون الزوار على التسجيل فى منتداهم ولكن تسجيلك معنا بمثابة شهادة شكر لنا نعتز بها *** شارك معنا بكلمة او بسطر او موضوع لنرتقى معا الى الافضل شكرا على تسجيلك معنا

منتدى شباب تاقرفت منتدى الوطن

اصــــــــــــالة *** ثراث*** موروث شعبى *** ثقافه عامة *** سياسة *** كمبيوتر
 
الرئيسيةالتسجيلدخول

شاطر | 
 

 ياقبر بين أقبوره- للشاعر عابد بوخماده

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الضميد
ذهبية
ذهبية
avatar

الدولة : غير معروفه
عدد المساهمات : 293
تاريخ التسجيل : 13/12/2010
العمر : 47
الموقع : شباب تاقرفت
المزاج المزاج : تمام

مُساهمةموضوع: ياقبر بين أقبوره- للشاعر عابد بوخماده   الإثنين 06 فبراير 2012, 11:26 pm


الشاعر.. العابد بوخمادة في رثاء زوجته ...ياقبر بين أقبوره
*****
ياقبر بين اقبوره .. بترابك تغطا فيك سمح الصورة .. احسن اضيافته


ياقبر قبله خالى ... وجاك ضيف م الدنيا عزيز وغالى

اسوال النبى ياقبر عين الفالى ... لا ترعبه ضيك اضوى بحضوره

مادار بيش اتضايقه هيالى ... ولا انحمل ظيمه غير تما بوره

غالى وخلالى اعزاز غوالى ... امحظن عليهم ريشتى مكسوره

*-*-*

ياقبر سلمنالك غالى ...عزيز وخود منا بالك

لا تظايقه خفف عليه اثقالك ... وابقاله ونس م الخوف وابقى نوره

اللى لا يجيك ولا دفا يبقالك ... لوكان البشر يفداه من مقدوره


لكن الروح اختص بيها مالك ... كمين طير قبله هليه لطيوره

*-*-*


ياقبر جالك عامر .. بزول عزيز ونا انكابى سامر

لوعه الصدمه فى افوادى ضامر ... والكيه على القيته امحضوره

ماللى غلاهم بيه ما ايتغامر ... فيهم انجنب للبكاء وامحظوره

خايف عليهم مالرميس الجامر ... الا نا دوا الكبر يا مكبوره


*-*-*



ياقبر فى جبانه .. علي اسكنك مايكمل سريب عزانا

ولا عد ايحودد فيك وقت ابكانا ... عزيز غزمنا مارق سل اجدوره

خلالنا ودايع قاطعات الوانا ... واوهام فى اماشينا اتبا اضروره

اسم الله علينا ياغياب زهانا ... دوبينا حيين فوق قصوره



*-*-*


ياقبر ماننساه .. حتى لو اترابك رادمه وكلاه

مازلت عايش فى اوهام غلاه ... ومازال ساكنى بصوت وصوره

مابا ايفارقنى بعد فرقاه ... ولا انسيتله برمه عزيز ونوره

ولابا على ايكف بمهاياه ... فى كل حيطه صورته منظوره



*-*-*

ياقبر سود هدابه .. حتى ابياساته وطول غيابه

على ماتواره بهجته وشبابه ... فياماً وهى متبسمه وغروه

وعاطيه بياض الوجه موش اغرابه ... اللى بيه ظرتنا وهى مجبوره

اتزهى نصيب وعندها نقلابه ... كمين وطن عامر عاليات قصوره

خلاته وخلاته يثواب اترابه ... بعد عز واجد دوحت جموره


واللى قب حاسبله حساب وهابه ... بعين الطمع تما ايبهت شوره

ياقبر بين اقبوره .. بترابك تغطا فيك سمح الصورة .. احسن اضيافته
الرجوع الى أعلى الصفحة اذهب الى الأسفل
http://cheehda.2areg.com
 
ياقبر بين أقبوره- للشاعر عابد بوخماده
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب تاقرفت منتدى الوطن :: خيمة الشعراء والشعر الشعبى :: الشعر العامى-
انتقل الى: